Edhe pse Vlora po njeh rritje në sektorin e turizmit, lagjen periferike të saj vuajnë mungesën e infrastrukturës. Në shumicën prej tyre mungojnë shërbimet bazike si furnizimi me ujë dhe rrugët janë si në mesjetë.
Banorët e Pusit të Mezinit, një lagje në periferi të qytetit, tregojnë se janë të lënë pas dore në përpjekjet për të përmirësuar kushtet e tyre të jetesës.
Mungesa e një rrugë të shtruar dhe me trotuare e po ashtu uji i pijshëm që thuajse vjen me pikatore, janë disa nga problemet me të cilët përballen në përditshmëri.
Në këtë kontekst, banorët shprehin pakënaqësi dhe shpresojnë për ndryshime të mëtejshme që do të përmirësojnë cilësinë e jetës në lagjen e tyre. Mungesa e kushteve elementare të jetesës ka qenë sfida e një komuniteti prej 200 banorësh për të paktën 20 vitet e fundit./Euronews
