Italia u eliminua nga Europiani pasi u mposht 2-0 nga Zvicra në fazën e 1/16-ave.
Pas humbjes, foli edhe trajneri Luçiano Spalletti në mikrofonat e RAI-t.
Ai theksoi se ai pati shumë pak kohë në dispozicion për të përgatitur skuadrën për këtë kompeticion ndërsa shtoi se në këtë moment, ekipi nuk mund të bënte asgjë më shumë pasi vuajti edhe freskinë fizike.
“Ai gol në fillimin e pjesës së dytë na preu këmbët, nuk ishim shumë të mprehtë. Ajo që bëri diferencën është ritmi, ne kishim një ritëm shumë inferior se ata në pjesën e parë. Edhe në lojtarët individualë atje ishte një ritëm tjetër.
Ritmi dhe freskia bëjnë gjithmonë diferencën, unë i ndryshova lojtarët duke i lënë të rikuperohen dhe ndoshta për momentin këtu nuk jemi në gjendje të bëjmë më shumë se kaq.
Kupa e Botës? Një diskutim që do të bëhet më vonë, duhet vazhdimësi dhe sakrifica, në shumë prej nesh nuk kemi qenë shumë të vazhdueshëm”, deklaroi ai.
