Policia e Tiranës ka shpallur në kërkim një adoleshent 17-vjeçar, banues në kryeqytetit, pasi akuzohet për vjedhje.
Sipas bluve të kryeqytetit, 17-vjeçari dyshohet se ka vjedhur një shumë parash në një hotel, në rrugën “Fortuzi”, ku ka qenë i punësuar si recepsionist.
“Specialistët për Hetimin e Krimeve të Komisariatit të Policisë Nr. 3 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për kapjen e një 17-vjeçari, banues në Tiranë, pasi dyshohet se ka vjedhur një shumë parash në një hotel, në rrugën “Fortuzi”, ku ka qenë i punësuar si recepsionist.” – thuhet në njoftimin e Policisë.
Materialet i kaluan Prokurorisë së Tiranës për veprime të mëtejshme proceduriale.
