Të paktën tetë persona kanë humbur jetën nga zjarri në një ndërtesë zyre pranë Moskës dhe disa njerëz janë bllokuar brenda ndërtesës së djegur në Fryazino rreth 25 km në veri-lindje të kryeqytetit.
Pamjet në internet tregojnë tym të dendur që del nga katet e sipërme të kompleksit tetë-katësh. Në disa video, njerëzit mund të shihen në dritare, ndërsa mediat lokale thanë se një numër njerëzish shiheshin duke u hedhur nga katet e sipërme.
Sipas agjencisë shtetërore të lajmeve Tass, ndërtesa dikur strehonte Institutin Kërkimor Platan dhe industrinë e mbrojtjes, sipas agjencisë shtetërore të lajmeve Tass, por një organizatë ruse, tha se ndërtesa ka qenë në pronësi private që nga vitet 1990.
Guvernatori Vorobyov tha se tetë ekipe emergjente po punonin për të shpëtuar ata që ende ishin të bllokuar në ndërtesë. Ai shtoi se një 34-vjeçar është dërguar në spital në gjendje të rëndë, ndërsa dy zjarrfikës po trajtohen gjithashtu për lëndimet e marra nga flakët.
Zyrtarët e ministrisë thanë se mbi 100 specialistë dhe dy helikopterë po punonin për të shuar zjarrin.
Nuk dihet menjëherë se çfarë e shkaktoi zjarrin, por një dëshmitar okular i tha Tass se ai shpërtheu në katin e gjashtë përpara se të përhapej.
