Një 30-vjeçar shqiptar dhe një 46-vjeçar rus akuzohen si autorë të sulmit të përgjakshëm në një mini market në orët e vona të së shtunës në Chania të Greqisë. Ata janë lokalizuar mbrëmjen e të dielës në një pallat në zonën e Bashkisë Platanias ku ishin fshehur dhe janë arrestuar nga autoritetet policore greke.
Mediat greke raportojnë se shqiptari dhe rusi kanë goditur pronarin 58-vjeçar të minimarketit me shkop dhe kanë plagosur dy djemtë e tij 32 dhe 34 vjeç, ku ky i fundit është qëlluar dhe me armë zjarri në gju.
Dyshohet se ka qenë rusi, ai i cili ka qëlluar me armë zjarri, i cili pas krimit janë larguar me motor bashkë me shqiptarin.
Policia ka marrë në pyetje një nga pronarët e supermarketit, shtetas sirian, i cili ka deklaruar se nuk i njihte autorët e ngjarjes. Sipas tij, sherri ka ndodhur kur autorët kanë kërkuar të blejnë disa produkte pa paguar.
Ndërkohë policia po punon për të zbardhur rrethanat e plota të ngjarjes.
