Partia Socialiste i rikthehet “zakonit të vjetër” duke kërkuar masë disiplinore për ligjvënësit e opozitës me pretendimin se nuk lejuan zhvillimin normal të seancës plenare të enjten e javës së kaluar në Kuvend.
Mazhoranca socialiste sot i është drejtuar Sekretariatit të Etikës me një kërkesë ku kërkon masë disiplinore për 5 deputetë të Partisë Demokratike.
Listës nuk mund t’i shpëtonte Flamur Noka, i cili pretendohet nga socialistët se bllokoi foltoren e Kuvendit, ofendoi kryetaren e Kuvendit Lindia Nikolla, si edhe i mori mikrofonin Nasip Naços duke u përplasur me punonjësit e Gardës.
Ndëshkim kërkohet edhe për Gazment Bardhin, Edi Palokën, Ervin Salianjin dhe Luan Baçin. Sekretariati për Procedurat, Votimet dhe Etikën do të mblidhet ditën e sotme ora 13:00, për shqyrtimin e kësaj kërkese.
Kaosi në seancën plenare të 6 qershorit erdhi pas kërkesës së Bardhit për rikthimin e Sali Berishës në grup parlamentar, por kryeparlamentarja Lindita Nikolla nuk e pranoi me argumentin se duhet të ketë një vendim partie.
