39-vjeçari nga Kosova Adnan Dibrani ka fituar një vend në Parlament Europian dhe do të jetë eurodeputeti i parë Kosovar.
Lajmin për zgjedhjen e Dibranit, e dha përmes një postimi në rrjetet sociale shefi i Grupit Parlamentar të AAK-së, Besnik Tahiri.
Tahiri në një postim në “X” ka shkruar se Adnani po bëhet shqiptari i parë nga Kosova i zgjedhur në Parlamentin Evropian.
“Adnani është nga Mitrovica dhe ka emigruar në Suedi në vitet e 90-ta, ku kishte një angazhim të madh si qytetar aktiv. Ai ishte deputet në Suedi dhe gjithashtu anëtar i Asamblesë Parlamentare të Këshillit të Evropës”, ka shkruar Tahiri
Kush është Adnan Dibrani?
Ai është një ekonomist i trajnuar dhe ka punuar si punonjës i bankës. Në politikë, ai është angazhuar në çështje që lidhen me biznesin e vogël, sigurinë e pacientit, LSS dhe sistemin e taksave.
Gjatë vitit 2010-2014, Adnan Dibrani ishte përgjegjës për pyetjet rreth CSN dhe shëndetit të studentëve për Social Demokratët. Ai është anëtar i bordit të Inspektimit të CSN dhe bordit të Inspektimit të Zyrës Suedeze të Auditimit Kombëtar.
