Tiranë/ Në timon pa leje drejtimi, 28-vjeçarja përplaset me murin e një banese

Një 28-vjeçare ka përfunduar në prangat e policisë paraditen e së dielës.

Sipas informacioneve nga Policia e reja ka humbur kontrollin e mjetit dhe për pasojë është përplasur me murin rrethues të një banese.

E reja ka qenë duke udhëtuar me mjetin e saj ‘’Benz’’ dhe dyshohet se shkak ka qenë humbja e kontrollit të mjetit.

Sipas informacionit të policisë ajo ishte duke drejtuar mjetin pa patentë.

Njoftimi i policisë:

Specialistët e Komisariatit të Policisë Rrugore Tiranë arrestuan shtetasen A. M., 28 vjeçe, banuese në Tiranë, pasi duke drejtuar pa leje drejtimi automjetin tip “Benz”, ka humbur kontrollin mbi drejtimin e tij dhe mjeti eshte përplasur me murin rrethues të banesës së shtetasit V. Gj.