Parlamenti i Shqipërisë, vetëm me votat e socialistëve ka miratuar ngritjen e dy komisioneve, atë të komisionit të posaçëm ‘antikorrupsion’, si dhe komisionin për ‘dezinformomin’.
Komisionet e Posaçme për ‘Antikorrupsionin’ u votua me 73 vota’ pro’ dhe 7 ‘kundër’, si dhe komisionin për ‘Dezinformimim’ po prap me 73 vota ‘pro’ dhe 7 ‘kundër’.
Pas votimit, i pari që reagoi ishte deputeti i opozitës Dashnor Sula, i cili e quajti komisionin “Xhafaj-Koti”, ndërsa akuzoi për mungesë transparence.
Sula: “Urime komisioni Xhafaj-Koti, nuk keni transparencë fare. Kemi tetë komisione të përhershme, duhet të keni patur parasysh që duhet të kishit përfshirë kryetarë dhe nënkryetarë të përhershëm, por kemi përfshirë vetëm pesë. Tre të tjera ju duken të papërshtatshëm, pse i keni përjashtuar tre komisionet të tjra që mos jenë në Komisionin Antikorrupsion. Shumë faleminderit dhe nuk e teproj kur them që është Komisioni Xhafaj-Koti”
Seanca e kësaj të enjte, u shoqërua me tensione dhe debate të forta, ku kërkesa e opozitës për mocion me debat me kryeministrin, mbi investigimet e mediave të huaja, Rai3 dhe BILD e rivizatonin Shqipërinë si një narkoshtet, u rrëzua nga mazhoranca socialiste.