Policia e Tiranës ka identifikuar dhe arrestuar autorin që u vuri zjarrin 6 automjeteve të një biznesi për dhënien e makinave me qira në orët e para të mëngjesit të djeshëm në Kamëz.
Autoritet policore raportojnë se në pranga është vënë shtetasit Amarildo Saliu, 23 vjeç, banues në Zall Mner. Sipas unfiromave blu, ai i ka vënë zjarrin një prej automjeteve, por si pasojë e përhapjes së flakëve janë djegur dhe mjetet e tjera.
Mësohet se i riu ndodhej në “arrest shtëpiak” nën akuzën e trafikimit të klandestinëve, por ka thyer masën e sigurisë për të kryer krimimn. Burime bëjnë me dije se 23-vjeçari e kishte shtëpinë pranë biznesit që jepte makina me qira.
Ndaj tij rëndojnë akuzat për veprat penale “Shkatërrimi i pronës me zjarr” dhe “Largimi i të burgosurit nga vendi i qëndrimit”.
Ngjarja ka ndodhur rreth orës 04:00 të mëngjesit të djeshëm, në rrugën “Donald Trump”, teksa automjetet që janë djegur i përkasin biznesit “Auto Hoxha”. Dëmi konsiderohet i madh, pasi në listën e mjeteve të shkrumbuara janë: një “Golf 6”, një “Golf 5”, një “Audi A6”, dy “KIA” dhe një “Mercedes S-Class”.
Burime për mediat bëjnë me dije se Amarldo Saliut i është sekuestruar celulari nga ana e autoriteve, por të gjitha materialet i kishte fshirë. Si autorë të zjarrvënies dyshohet se kanë qenë tre persona