Pasi kryeministri Edi Rama sulmoi publikisht televizionin shtetëror italian RAI 3 gjatë konferencës së përbashkët me homolegen italiane Giorgia Meloni, kjo e fundit ka dalë publikisht në mbrojtje të “mikut” të saj shqiptar, pas investigimeve ku u dëshmua lidhja e kreut të qeverisë shqiptare me korrupsionin dhe grupet kriminale.
Meloni tha se Rama nuk është kriminel, teksa sipas saj është ndjekur një fushatë denigruese në drejtim të tij. Ajo tha se nuk ishte ai shënjestra, teksa sipas Melonit, italianët po e kuptojnë se ai do t’u japë një ndihmesë.
“Jam e lumtur që jam këtu, që pata rastin tju takoj juve që Rama pati mundësinë të verifikonte nga afër edhe situatën e punimeve që janë duke u zhvilluar në kuadër të marrëveshjes. Doja të thoja që ashtu sic ne pame dhe dëgjuam nga fjalët e Ramës se vendet tona janë dy vende mike. Falënderoj Ramën dhe popullin shqiptar për mundësinë që na dhanë, për ndihmën që na dhanë për të realizuar këtë marrëveshje, që shpresoj të jetë shembull për vendet e tjera të BE. Nuk më mbetet gjë tjetër veçse te përsëris afërsinë e qeverisë italiane dhe popullit italiane për sulmet që Ramës dhe qeverisë së tij i janë bërë. Qeveria shqitpare nuk ka bërë asgjë më shumë sesa ka ndihmuar qeverinë italiane. Ne kemi ndjekur një fushatë denigruese e pamerituar ndaj qeverisë shqiptare. Kemi dëgjuar etiketime sikur qeveria shqiptare është një narkoshtet. Ne jemi afër qeverisë shqiptare pas sulmeve që janë bërë në drejtim të tyre, është ndjekur një fushatë denigruese në drejtim të tyre.
Nuk është hera e parë që Shqipëria ofron bashkëpunim. Edhe më parë historia e Shqipërisë ka treguar se ajo ka pasur dëshirën për të qenë pjesë e BE dhe për të gjetur ato mundësi bashkëpunimi. Edhe më parë, historia e Shqipërisë ka treguar se ka pasur dëshirën e sinqertë për të qenë pjesë e BE dhe nuk i ka munguar asnjëherë mbështetja e Italisë për këtë. Më kujtohet që në ditët më dramatike të Covid, Shqipëria na ndihmoi me 30 mjekë në Lombardi. Rama u falënderua për këtë dhe një ndër gazetat italiane e quajti përrallë e bukur e kryeministrit shqiptar.
Sot kryeministri Edi Rama quhet një kriminel, sepse shumë kanë ndryshuar që kur qeveria vendosi të vazhdojë bashkëpunimin me qeverinë e re shqiptare. Do të doja që t’i thosha kryeministrit Edi Rama, që nuk është ai shënjestra, sepse italianët e kuptojnë, përpjekjen për të na dhënë një ndihmesë.” – tha Meloni.
Rama me Melonin: Shqipëria nuk ka mafie si Camorra e Cosa Nostra, është hedhur baltë
