Gjatë fjalës në Komisionin e Ligjeve ku po raporton nënkryetari KLP-së Tartar Bazaj, kreu i grupit parlamentar të PD-së, Gazment Bardhi ka deklaruar se i vetmi prokuror që nuk i është nënshtruar procesit të vettingut është bashkëshorti i Ermonela Felajt, prokurori Bledar Valnikaj.
Bardhi tha se është në dijeni që ka një vendim gjykate, por sipas tij, kjo nuk e pengon që ai t’i nënshtrohet vetingut. Gjithashtu, Bardhi denoncoi edhe emërimet e familjarëve të tjerë Ermonela Felajt që kanë “pushtuar” Prokurorinë e Tiranës
“Ka vetëm një rast. Po e them unë kush është. U referua si magjistrat. I vetmi prokuror në Republikën e Shqipërisë që nuk i është nënshtruar as sistemit të vettingut as sistemit të hyrjes si rishtar në sistemin e Drejtësisë është prokurori Bledar Valnikaj që rezulton të jetë bashkëshorti i deputetes se PS Ermonela Felaj. I vetmi prokuror që nuk i është nënshtruar procesit të vettingut në të dyja sistemet. Unë e di që ka një vendim gjykate, por kjo nuk e pengon që t’i nështrohet vetingut. Kemi një prokuroror, që është një nga prokuroritë më të rëndësishme në vend që nuk i është nënshtruar vetingut në të treja kriteret.
Ky Kuvend dhe Republika e Shqipërisë ka marrë një vendim që çdo prokuror që do të qëndrojë në sistem do të kalojë Vettigun, 3 pikat. Na rezulton vetëm një rast specifik. Emërimi i bërë nga KLP-ja pa iu nënshtruar asnjë prej sistemeve, qoftë ai klasik, qoftë ai rishtas, rezulon që një prokuror është shmangur të dyja sistemet. Një prokuror nuk ka kaluar sistemin e Vettingut. Janë emëruar 4 pjesëtarë nga një familje në një prokurori të vendit. Ky është rast unik. Ndjesë se nuk qenkan 4 por janë 3 anëtarë të një familjeje dhe një oficer i policisë gjyqsore. Por, sërish 4 anëtarë të një familje tek një institucion. Unë e shoh si shqetësim që 4 anëtarë të familjes së një deputete të PS kanë pushtuar Prokurorinë e Tiranës. E kanë bërë si pronë të familjes.”, tha Bardhi.
Burri i deputetes Ermonela Felaj emërohet prokuror në Tiranë
