Nga Klodian Tomorri
Qeveria shqiptare do të kontraktojë kompaninë amerikane të konsulencës Boston Consulting Group si këshilltare për të luftuar korrupsionin. Këshilli i ministrave miratoi në mbledhjen e fundit një vendim, i cili autorizon Ulsi Manjan dhe Ardea Pirdenin të prokurojnë me negocim të drejtëpërdrejtë kontratën me kompaninë amerikane.
Këshilli i ministrave vendosi autorizimin e ministrit të Drejtësisë dhe të ministrit të Shtetit për Administratën Publike dhe Antikorrupsionin të negociojnë drejtpërdrejt me subjektin ndërkombëtar BOSTON CONSULTING GROUP(BCG) për ofrimin e shërbimit të konsulencës për identifikimin e mekanizmave eficientë për të nxitur më tej luftën kundër korrupsionit dhe mundësinë e përdorimit të inteligjencës artificiale (IA) për këtë qëllim,” thuhet në vendimin e qeverisë.
Sipas vendimit, negocimi ka në objekt tre fusha. E para është analizë për identifikimin e mekanizmave eficientë dhe dhënien e rekomandimeve për luftën kundër korrupsionit, duke u fokusuar në veçanti në rishikimin e funksioneve dhe organizimit institucional të institucioneve të administratës shtetërore, aspekteve së strukturës të sistemit ministror dhe proceseve vendimmarrëse, me qëllim rritjen e eficiencës dhe eliminimin e hapësirave korruptive.
Fusha e dytë është analizë dhe rekomandime, me qëllim parandalimin e korrupsionit në ofrimin e shërbimeve publike përmes rritjes së eficiencës dhe llogaridhënies, ndërsa fusha e tretë lidhet me analizë dhe rekomandime për mundësinë e përdorimit të inteligjencës artificiale në proceset vendimmarrëse dhe atë të ofrimit të shërbimeve, me qëllim eliminimin e hapësirave të mundshme korruptive. 3. Ngarkohen ministri i Drejtësisë dhe ministri i Shtetit për Administratën Publike dhe Antikorrupsionin për zbatimin e këtij vendimi.
Boston Consulting
Boston Consulting Group është një firmë konsulente globale amerikane për menaxhimin e themeluar në vitin 1963 dhe me seli në Boston, Massachusetts. Ajo është një nga tre kompanitë më të mëdha të konsulencës së menaxhimit në botë për nga të ardhurat së bashku me McKinsey & Company dhe Bain & Company. Që nga viti 2021, konsulenca drejtohet nga ekzekutivi gjerman Christoph Schëeizer.
Vitet e fundit kompania ka qenë në qendër të disa skandaleve të publikuara nga media amerikane. Një artikull i botuar nga The Neë York Times më 19 janar 2020, identifikoi Boston Consulting Group se kishte punuar me Isabel dos Santos, e cila ka shfrytëzuar burimet natyrore të Angolës ndërsa vendi vuan nga varfëria, analfabetizmi dhe vdekshmëria foshnjore. Sipas artikullit, BCG ishte kontraktuar nga kompania shtetërore e naftës në Angolë, Sonangol, si dhe kompania e bizhuterive De Grisogono, në pronësi të bashkëshortit të saj përmes kompanive guaskë në Luksemburg, Maltë dhe Holandë; thuhet se firma është paguar përmes kompanive offshore në parajsat fiskale si Malta.
Neë York Times raportoi gjithashtu se Boston Consulting Group është një nga firmat konsulente, së bashku me McKinsey dhe Booz Allen, që po ndihmojnë Princin e Kurorës Mohammed bin Salman të konsolidojë pushtetin në Arabinë Saudite. Ndërsa një zëdhënës i BCG tha se firma refuzon projektet që përfshijnë strategjinë ushtarake dhe të inteligjencës, BCG është e përfshirë në hartimin e planit ekonomik për vendin, një plan i quajtur Vision 2030.
Boston Consulting Group ka marrë kritika për përfshirjen e tij në ndërtimin e Spitalit Universitar Neë Karolinska Solna pas një hetimi nga Dagens Nyheter. Konkretisht, konflikti i mundshëm i interesit ku një ish-punonjës i BCG-së dhe më pas drejtues i spitalit miratuan shpenzime të shumta pa faturat e duhura dhe koston e lartë të paguar për konsulentët e jashtëm, përfshirë BCG-në.
/Kapitali.al
