Pasi zëvendëskryeministri italian Matteo Salvini, duke iu referuar shpalljes fajtor të ish-presidentit Donald Trump, duke deklaruar se e majta e përdor sistemin e drejtësisë si armë, ka ardhur edhe reagimi i deputetit demokrat Edi Paloka.
Përmes një postimi në Facebook, Paloka shkruan se diçka e tillë ndodh edhe në Shqipëri, ndaj Salvini duhet të hedhë sytë edhe përtej Adriatikut.
“Në këtë postim të tij, Salvini konfirmon një fakt të vërtetë, faktin që edhe në vendet më të zhvilluara demokratike, e majta gjithnjë ka përdorur sistemin e drejtësisë si një armë për eliminimin e kundërshtarëve politikë.
Po ndërsa i jep mbështetjen presidentit Trump në SHBA, Salvini nuk sheh se në anën tjetër të Adriatikut, lideri i opozitës së djathtë, mbahet nën arrest vetëm sepse është kundërshtar politik i një klike të majtë e të korruptuar. Një klike, me të cilën për fat të keq, qeveria e tij ka bërë një marrëveshje diskriminuese dhe pikërisht kjo marrëveshje është arsyeja pse miqtë tanë kanë mbyllur sytë për padrejtësitë dhe vrasjen e demokracisë në Shqipëri!” shkruan Paloka.
