Gazetari Bledian Koka ka deklaruar se SPAK është një institucion që vepron për interesa të mazhorancës, ku një pjesë i përkasin kryeministrit Edi Rama, një pjesë kryebashkiakut Erion Veliaj dhe një një pjesë zv.kryeministres Belinda Balluku dhe sipas tij, këtë gjë e vërtetojnë edhe arrestimet.
Duke folur në Syri tv për ngritjen e komisionit “anti-korrupsion”, Koka u shpreh se socialistët e panë të arsyeshme që më mirë të bashkohen se sa të fundosen të gjithë, duke nënkuptuar se ngritja e këtij komisioni ka si për synim kontrollin e drejtësisë.
Ai tha më tej se në krye të këtij komisioni do të vendoset Fatmir Xhafaj, vëllai i trafikantit Geron Xhafaj, që sipas tij, është një nga njerëzit më të afërt që funksionon për llogari të kryebashkiakut Erion Veliaj.
“Ne vërtetë kemi thënë që SPAK është një institucion që vepron dhe unë e besoj këtë, për interesa të pushtetit të Ramës, ku një pjesë punon për interesat e këtij të fundit, një pjesë për interesin e Veliajt, madje një pjesë dhe për interes të Belinda Ballukut. Dhe po te shikoni mënyrën si kanë ndodhur arrestimet, konfirmohen këto dyshime.
Në thelb me sa duket këta 3 entitete që me sa duket funksionojnë renda Rilindjes, duke parë që herë pas herë ka dhe ‘çedime’ të mënyrës si vepron SPAK, kanë arritur në përfundimin, që është më mirë të bashkohemi se sa të fundosemi të gjithë së bashku, në mënyra të ndryshme.
Dhe, dyshimi i parë që më vjen pikërisht për këtë bashkim entitetesh në një të vetme, është pikërisht se në krye të këtij komisioni do vendoset Fatmir Xhafa, i cili është një nga njerëzit më të afërt që funksionon për llogari të zotit Veliaj” – tha Bledian Koka.
