Një aksident i rëndë ka ndodhur mesditën e së enjtes në zonën e Zvërnecit në Vlorë.
Dy makina tip “Benz” janë përplasur “kokë më kokë” me njëra-tjetrën. Sipas njoftimit të policisë nga ky aksident janë plagosur një 19-vjeçar, drejtuesi i një prej makinave dhe pasagjerja që ishte me të në makinë, 17-vjeçe.
Vajza ka mbërritur e plagosur në spitalin e Vlorës.
“Rreth orës 11:40, në aksin rrugor “Vlorë-Zvërnec”, automjeti tip “Benz” me drejtues shtetasin D. B., 19 vjeç, është përplasur me një tjetër automjet tip “Benz”, me drejtues një shtetas 17 vjeç. Si pasojë e përplasjes, janë dëmtuar 17-vjeçari dhe pasagjerja në automjetin e tij, të cilët janë në kujdesin e mjekëve”, njofton policia.
