Një 40-vjeçar është arrestuar nga Policia e Tiranës, pasi gjatë kontrollit të banesës së tij, iu gjet një sasi lënde të dyshuar narkotike kokainë, të ndarë në doza, gati për shitje.
Po ashtu policia thekson se i arrestuari pasi siguronte kokainën, e ndante atë në doza, të cilat i shiste në lagje të ndryshme të Kombinatit.
Njoftimi i policisë:
DVP Tiranë
Komisariati i Policisë Nr. 6 në vijim të punës për goditjen e veprimtarive kriminale, ka organizuar dhe finalizuar operacionin policor të koduar “Ëhite”.
Gjatë operacionit u arrestua shtetasi R. H., 40 vjeç, banues në Kombinat, për veprën penale “Prodhimi dhe shitja e narkotikëve”.
Gjatë kontrollit të banesës së 40-vjeçarit, shërbimet e Policisë i gjetën dhe sekuestruan, në cilësinë e provës materiale, sasi lënde të dyshuar narkotike kokainë, të ndarë në doza, gati për shitje.
Nga verifikimet e kryera ka rezultuar se ky shtetas pasi siguronte lëndën narkotike në sasi, e ndante atë në doza, të cilat i shiste në lagje të ndryshme të Kombinatit.
Materialet i kaluan Prokurorisë, për veprime të mëtejshme.
