Detaje të reja janë zbuluar nga rrëmbimi dhe dhunimi i të riut në sheshin Skënderbej nga tre persona. U mësua se 20-vjeçari ishte një prej punëtorëve në kioskat e vendosura në mes të Tiranës, dhe në momentin që është dhunuar duke i shkaktuar hematoma në kokë, deri sa i kanë rënë të fikët.
Dhunuesit e kanë përmendur duke i hedhur ujë të ftohtë dhe e kanë rrahur serish, ndërsa e mbanin të lidhur me pranga.
Ndërsa bëhet me dije se 20-vjeçari, ndodhet në spital në gjendje të rënduar shëndetësore, ndërsa shkaku i dhunës ndaj tij, është se ka munguar një shumë parash nga xhiroja ditore.
Nga burimet mësohet se 20 vjeçari është dhunuar nga Denis Baxhaku, Ermand Hoxhën dhe Teo Kolemiço. Ky i fundit raportohet se është Secyrity në një prej kompanive private.
Shtetasit D. B., E. H. dhe H. P., dyshohet se për motive të dobëta, kanë marrë me forcë në sheshin “Skënderbej” 20-vjeçarin, ndaj të cilit kanë ushtruar dhunë në mënyrë të vazhdueshme./ Neës24
