Një aksident i rëndë automobolistik është regjistruar mbrëmjen e djeshme, rreth orës 23:45 minuta, në rrugën e lumit të Vlorës, në aksin Kuç-Qeparo.
Një automjet tip “Opel” ka dalë nga rruga dhe është përplasur me bordurën anësore të rrugës. Siç shihet edhe nga pamjet trafik ndarësja është futur mes për mes mjetit.
Si pasojë e aksidentit, ka mbetur e plagosur drejtuesja e automjetit, e cila ka marrë plagë të rënda dhe është dërguar me urgjencë në spital, ku ndodhet në gjendje të rëndë shëndetësore.
Shkaku i aksidentit dyshohet të ketë qenë shpejtësia e lartë me të cilën po lëvizte mjeti, si dhe lagështira në rrugë. Grupi hetimor po punon për zbardhjen e plotë të rrethanave të aksidentit.
