Belind Këlliçi, ka qenë i ftuar në emisionin “Të Paekspozuarit” në MCN TV, ku u diskutua për aferën e inceneratorit të Tiranës.
Lidhur me këtë çështje, u thirr në SPAK edhe Belinda Balluku.
Këlliçi deklaroi se Belinda Balluku, ka paralajmëruar disa herë Veliajn për dëm potencial ndaj shtetit, për shkak se Bashkia nuk dërgonte dy anëtarë në njësinë e zbatimit të projektit dhe e konsideroi Ballukun si “akuzatoren” kryesore të kryebashkiakut.
“E kam thënë muaj më parë, që një ndër akuzatorët kryesorë të përgjegjësisë së Veliajt, në dështimin e njësisë së zbatimit të projektit që monitoron kontratën, është edhe zv. kryeministrja Balluku.
Gjykoj që kjo shkresë është molla e sherrit mes autoritetit kontraktor, Ministria e Infrastrukturës dhe Energjisë dhe Bashkisë Tiranës, që është përgjegjës kryetari i Bashkisë, Veliaj.
Ministria e Infrastrukturës nuk ka marrë përgjigje nga Bashkia Tiranë. Thuhet, se mos ushtrimi i detyrave të NJZP dhe mungesa e pjesëmarrjes në takimet periodike, mungesa e grafikëve të punimeve dhe mos raportimit ndaj autoritetet kontraktor, nëse jemi në kushte penaliteti, shkakton vonesa dhe rrezikon cënimin e interesave të palës shtet. Pra Balluku i drejtohet Veliajt dhe i thotë po rrezikoni cënimin e palës shtet.
Debatet kanë nisur që në vitin 2021, kur Ministria e Infrastrukturës, miraton përbërjen e NJZP. Ministria ka caktuar përfaqësuesin e Bashkisë si kryetar dhe nga qershor 2021 deri në korrik 2023, NJZP nuk është mbledhur asnjëherë”, tha Këlliçi.
