Në fund të seancës së sotme plenare, socialistët në Kuvend kanël miratuar projekt-ligjin e propozuar prej tyre për privatizimin e pronave publike, ku parashikohet edhe shkëmbimi i saj me private.
Ky projektligj nuk i ka marrë të gjitha votatat e socialistëve, ku vetëm 68 prej tyre kanë votuar pro, teksa ka patur edhe 21 vota kundër të deputetëve të opozitës.
Ky projekt-ligj u fut me urgjencë në seancën e sotme plenare, teksa opozita e ka konsideruar si një ligj të sponsorizuar dhe të maskuar si një propozim deputetësh, teksa iu shërben vetëm biznesmenëve dhe jo qytetarëve.
“Ky është ligji i 18 që kap shtetin. Anashkalon konsultimin publik, njësoj si ligji i zonave të Mbrojtura është i sponsorizuar. Vjen i maskuar si propozim deputetësh por është në funksion të biznesmenëve. Sot sektori me abuzimin më të madh është sektori i pronave. Kur ka një leje zhvillimi i japin të drejtën të prishë objektet që janë atje.”– deklaroi Tabaku në Kuvend
“Ju kërkoj ta tërhiqni këtë pr.ligj, është antikushtetues, i porositur që do të marrë edhe ato pak prona shtetërore që i kanë mbetur shtetit, pronat shtetërore do i jepen privatit për kulla. Vetëm kryeministria do mbetet nesër se atë nuk e lëshon, çdo godinë shtetërore do i jepet privatit”, tha deputetja Dhurata Çupi.
Gjithashtu, Dhurata Çupi deklaroi se kanë qenë mbi 10 kolegë socialistë të cilët, jo publikisht i kanë dhënë të drejtë, duke qenë dhe ata kundër këtij projekt-ligji, por sipas saj, socialistët në Kuvend vihen në rresht me urdhër të Ramës.
Ky ligji konsiderohet si me porosi për t’ u falur pronat publike oligarkëve, duke i privatizuar për të investuar në to.
Gjithashtu, Kuvendi në fund të senacës së sotme miratoi me 92 vota pro, asnjë kundër edhe ratifikimin e marrëveshjes me Italinë për pensionet, nga ku do të përfitojnë mbi 500 mijë shqiptarë.
