Deputeti i PD-së Enkelejd Alibeaj ka zbuluar arsyen e mungesës së Partisë Demokratike të drejtuar nga Basha, në protestat që po mbahen para Bashkisë Tiranë, ku kërkohet dorëheqja e kryebashkiakut Erion Veliaj pas skandalit të dosjes ‘5D’.
Alibeaj gjatë një prononcimi për gazetarët, tha se PD e Bashës, mbështet SPAK, dhe se drejtorët e arrestuar të Bashkisë Tiranë, janë atje për shkak të Prokurorisë së Posaçme.
“Qëndrimi ynë, është mbështetja e SPAK. Ata drejtorë janë atje për shkak të veprimtarisë së SPAK. Mbështetja më e sinqertë është ndaj SPAK. Mbështetja me financa me burime njezore. Kjo është mënyra më e mirë që kemi zgjedhur këtë rast.
Sjellja e vetme që duhet të mbajmë është të mbështesim SPAK. Çdo lëvizje tjetër, sidomos ajo për të rimarrë reformën në drejtësi, është lëvizja e fundit që Rama do të bëjë për të asfiksuar SPAK”, tha ai.
