Ka përfunduar pas dy orësh protesta e zhvilluar para bashkisë së Tiranës.
Tubimi i radhës do të mbahet javën e ardhshme në të njëjtën orë, konkretisht të martën në 11:00.
Nuk kanë munguar molotovët dhe tensionet edhe në protestën e sotme. Qytetarët shkulën gardhin metalik të vendosur para bashkisë, ndërsa tentuan të çajnë kordonin policor dhe të futenin brenda institucionit.
Protestuesit pasi kanë hedhur molotov kanë filluar të përleshen me policinë ndërsa gardhet metalike po çmontohen nga institucioni që është kryefjala e “korrupsionit”.
Ndryshe nga herët e tjera, gardhi metalik nuk është vedosur në tokë por betonizuar, për ta bërë të pamundur shkuljen e tij nga toka. Policia iu ka bërë thirrje protestuesve të ruajnë qetësinë dhe të mos hedhin molotov drejt policisë.
Protestuesit kanë lidhur një litar të gjatë me anë të të cilit tentojnë të shembin gardhin, ndërkohë që disa të tjerë po e tërheqin me duar. Pas gardhit rrethues gjendet kordoni i forcave policore, i cili është zëvendësuar tashmë nga efektivët e FNSH dhe Shqiponja.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D. Ata kërkojnë që SPAK të vërë para përgjegjësisë personat e akuzuar për vjedhjen e tenderave të Bashkisë Tiranë.
Lexo edhe:
Protestuesit hedhin molotov drejt Bashkisë, improvizohet “arrestimi” i Veliajt
