Është ndarë papritur nga jeta prokurori Durim Bedini.
Ka qenë Këshilli i Lartë i Prokurorisë i cili ka njoftuar ndarjen nga jeta sot në mbrëmje të prokurorit të Prokurorisë Elbasan, Durim Bedini.
Po ashtu bëhet e ditur se ndarja e tij nga jeta ka ardhur pas një komplikacioni akut shëndetësor.
Njoftimi i KLP:
“Këshilli i Lartë i Prokurorisë njofton ndarjen sot në mbrëmje, nga jeta të prokurorit të Prokurorisë Elbasan, zotit Durim Bedini, pas një komplikacioni akut shëndetësor.
Ngushëllimet e përzemërta nga gjithë anëtarët e Këshillit i shkojnë bashëshortes dhe gjithë rrethit të tij familjar.
Zoti Bedini ishte një prokuror karriere me një eksperiencë të gjatë në disa prokurori të Republikës. Me ndarjen nga jeta të tij, sistemi humbi një prokuror me integritet të lartë moral dhe profesional”, thuhet në njoftim.
