Presidenti i Partisë së Lirisë, Ilir Meta ka deklaruar se PL është strukturuar dhe se nuk ka pasur largime, pas deklaratave të tij më herët ai i kishte shpallur luftë tradhtarëve dhe lidhjeve nepotike.
Meta në një intervistë në A2CNN, tha se ish-nënkryetarët e PL-së Braimllari dhe Nesho nuk janë larguar nga kjo forcë politike, por nuk janë më në rolin e mëparshëm, pasi këtë gjë nuk e lejonte statuti i partisë.
Ndërsa më tej, presidenti i PL-së theksoi se nuk ka tradhtarë brenda partisë që drejton.
“Kryetema ishin 5 prioritetet për miliona shqiptarë që ndalojnë shpopullimin dhe mbajnë të rinjtë këtu që të mos largohen për shkak të taksave. Meritokracia vendos në këtë forcë politikë. Ka qenë konventa më demokratike që ka ndodhur në Shqipëri. U çel me këngën “Për ty Atdhe” dhe u mbyll me “Ku ka si ty o Shqipëria ime”. Konventa kishte një çlirim energjish. Çfarë problemesh kishte Brahimllari? Nuk mund të ishte më nënkryetar pasi nuk ishte në statut. Kështu ndodhi dhe me Neshon dhe shumë të tjerë. Partia ka nevojë për drejtim të qartë, përgjegjësi të ndara, duhet një parti demokratike, të ketë fraksione. Por tani ka vertikalitet, presidenti është president dhe secili ka detyrën e tij. Nuk është shkarkuar askush. Dihej që nuk do të kishte më tradhtar. Nuk drejtohet partia si autobusi i Kuçit”, tha Meta.
