Real Madrid ka mposhtur 2-1 Bayern Munich në një sfidë dramatike duke arritur të sigurojë kualifikimin në finalen e Ligës së Kampioneve.
Në “Bernabeu” ka qenë një ndeshje fantastike dhe me plot emocione, duke shkuar kështu në finale të Wembley ku do të sfidojë Borussia Dortmund.
Pjesa e parë përfundoi me shifrat 0-0, por spanjollët ishin më kërkues se gjermanët. Megjithatë, gjithçka ndodhi në pjesën e dytë. Ishte Alphonso Davies ai i cili shënoi golin e parë në këtë sfidë, duke kaluar Bayern Munich në avantazh me një gol fantastik në minutën e 68-të.
Spajollët filluan të ishin më kërkues, edhe pse minutat kalonin.
Fundi i ndeshjes ishte dramatik për gjermanët. Në të 81 minutë Ancelotti hodhi në fushë Joselu, me sulmuesin e Real që shënoi dy gola në minutat 88-të dhe 90+1, kjo edhe falë gabimit të Neuer në golin e parë të pësuar.
Me rezultatin e përgjithshëm 4-3, Real Madrid do të ndeshet në finalen e Champions League ndaj Borussia Dortmund takim që do të luhet më 1 qershor në orën 21:00.
