Anëtari i kryesisë së PD-së dhe ish-kandidati për kreun e Bashkisë së Tiranës Belind Këlliçi ka deklaruar se Erion Veliaj është kreu i bandës 5D dhe pronari faktik i inceneratorit.
Gjithashtu Këlliçi tha se Erion Veliaj do të mbahet mend si si i vetmi kryebashkiak që vuri policinë për të mbrojtur veten.
Ndërsa më tej ai nuk nguroi ta quante kryebashkiakun e Tiranës si bandit ordiner që shpërdoron taksat e qytetarëve.
“Jemi kundër një hajduti që njihet si kreu i bandës 5D dhe pronari faktik i inceneratorit. Do mbahet mend si i vetmi kryebashkiak që vuri policinë për të mbrojtur veten. Bandit ordiner që shpërdoroi taksat e qytetarëve.
Ai ka turpëruar kombin tonë. Ky hajdut që e nisi karrierën e tij politike me një mashtrim sikur u martua me kursimet e pensionit të nënës së tij.
I takon SPAK të ngrihen në lartësinë e detyrës e t’i përgjigjen një drejtësie pa regji. Nuk na intereson nëse e pushkatoi sot politikisht Rama, më interesojnë qindra mln euro të vjedhura nga Veliaj.
Sot firmosa kallëzimin e ri në SPAK ndaj Erion Veliajt”, tha Këlliçi.
