Pavarësisht se është një “armik” i fjalës së lirë, kryeministri Edi Rama ka gjetur kohën për të përkujtuar “Ditën Ndërkombëtare të Lirisë së Shtypi”.
Rama thotë se qeveria shqiptare do të marrë të gjitha masat për të mbrojtur lirinë e informacionit, për të forcuar të drejtat e gazetarëve dhe luftuar dezinformimin, qëllimi i vërtetë i kësaj të fundit është “kontrolli” ndaj mediave.
Në një reagim në platformën ‘X’, Rama i referohet edhe raportit të ‘Reporterëve pa Kufij’, duke thënë se do t analizojnë me kujdes të gjitha shqetësimet e ngritura.
“Çështja e lirisë së informacionit është një nga më të rëndësishmet sot ndaj dua të falënderoj Reporterët pa Kufij për raportin e tyre të thellë. Ne do ta analizojmë me kujdes, do të konsultohemi me të gjitha palët e interesuara dhe do të ndërmarrim veprime të mëtejshme për të përmirësuar mjedisin mediatik, për të mbrojtur lirinë e informacionit, për të luftuar dezinformimin dhe për të forcuar të drejtat e gazetarëve. Jemi shumë të shqetësuar nga gjetja kryesore e raportit: se liria e medias është nën kërcënim në të gjithë botën. Qeveria shqiptare është e gatshme të ndërmarrë të gjitha përgjegjësitë e nevojshme për të ndihmuar në thyerjen e këtij trendi”, shkruan Rama.
Kujtojmë që ditët e fundit kryeministri Edi Rama është akuzuar nga faktorët të ndryshëm politikë se ndërhyrja e tij prej pushtetari ka bërë presion edhe ndaj mediave ndërkombëtare.
Rasti më flagrant është sulmi ndaj televizionit italian “Rai3” pas publikimit të dokumentarit investigativ i cili dëshmonte aferat korruptive dhe lidhjet e ngushta të qeverisë me grupet kriminale.
- “Reporterët Pa Kufij”: Liria e shtypit po kërcënohet nga politika
Organizata “Reporterët Pa Kufij” shpreh shqetësim për gjendjen e lirisë së shtypit në botë e cila sipas saj po kërcënohet pikërisht nga ata që duhet të ishin garantuesit e saj, autoritetet politike. Në Indeksin i fundit vjetor Botëror mbi Lirinë e Shtypit hartuar nga kjo organizatë, vërehet se mungesa e vullnetit politik për mbrojtjen e të drejtave të medias po përshpejton rënien e lirisë së saj.
Shqipëria ka shënuar përkeqësim të lirisë së shtypit duke e renditur e fundit mes vendeve të rajonit dhe shteteve kandidate për në Bashkimin Europian.
Në Indeksin që përfshin 180 vende, ajo radhitet në vendin e 99-të. Kosova radhitet e 75-ta. Organizata “Reporterët Pa Kufij” vlerëson se mjedisi për lirinë e shtypit në Shqipëri “është i vështirë”. Ajo ka humbur tre vende krahasuar me një vit më parë, kur listohej e 96-ta.
“Në Shqipëri, pavarësia editoriale kërcënohet nga rregullat me frymë partiake. Gazetarët bien viktima të krimit të organizuar dhe hera herës të dhunës policore, e nxitur nga dështimi i qeverisë për mbrojtjen e tyre”, njofton “Reporterët Pa Kufij”.
Së bashku me Serbinë, Shqipëria përballet me rënien më të madhe në Indeks në shtetet e të Ballkanit Perëndimor.
Lexo edhe:
