Lihen në fuqi nga Gjykata masat e sigurisë ‘arrest në burg’ për 3 të arrestuarit e fundit në kuadër të dosjes “Flakë në det”.
Bëhet fjalë për shtetasit Alket Deda, Ksenofon Bodo dhe Selami Lushkajn, pjesë e grupit të Gëzim Çelës, i cilësuar si baron droge.
Sipas burimeve, bëhet me dije se gjatë seancës të akuzuarit si pjesë e grupit të strukturuar kriminal të “baronit të drogës”, Gëzim Çelës, nuk kanë pranuar të japin deklaklarime dhe thanë se do të flasin në një moment të dytë.
Avokatët kërkuan masa më të buta sigurie, pasi pretendojnë se nuk ka prova të mjaftueshme ndaj klientëve të vetë për të ngritur akuza.
