Në shkelje të ligjit, këshilltarët e Erion Veliajt në Këshillin Bashkiak të Tiranës kanë vendosur që mbledhjen e sotme të Këshillit ta zhvillojnë online.
Ky vendim vjen vetëm për shkak të frikës së protestës së thirrur nga opozita, e cila është planifikuar të nisë në orën 16:30 para Bashkisë së Tiranë, në të njëjtin orar me mbledhjen e Këshillit Bashkiak.
Këshilltarët e Erion Veliajt në Këshillin Bashkiak kanë mbledhur po online Kryesinë e Këshillit në orën 15:00 dhe me një vendim komplet të njëanshëm kanë vendosur ta mbajnë mbledhjen online.
Këshilltarët e opozitës në Këshillin Bashkiak nuk lejohen tl futen as në ambientet e Bashkisë, teksa derës së saj i është vënë dryni dhe zinxhiri, teksa godina e Bashkisë është rrethuar me efektivë Policie.
Socialistët e Veliaj në Këshillin Bashkiak frikësohen prej protestës së qytetarëve, e cila është e drejta e tyre se kur dhe ku do e mbajnë, teksa harrojnë se prej javësh kanë dalë në mbrojtje të Erion Veliaj duke i refuzuar kërkesat e opozitës për mbledhje urgjente ku Erion Veliaj të jepte shpjegime për aferën korruptive të dosjes “5D”, si dhe për një audit të jashtëm nga ekspertë të pavarur të Bashkisë së Tiranës.
Vlen të theksohet fakti se mbledhjen online zhvillohen vetëm në raste emergjence apo situata të jashtëzakonshme, të cilat aktualisht nuk ka asnjë situatë të tillë.
