Është raportuar se qeveria spanjolle synon të ndërhyjë në Federatën Spanjolle të Futbollit (RFEF), mes kaosit të vazhdueshëm që ka ndodhur atje gjatë javëve të fundit.
Një president i ri ende nuk është emëruar nga Federata, me kandidatin kryesor që është pezulluar përkohësisht mes akuzave të vazhdueshme për korrupsion që janë ngritur në organin drejtues të futbollit spanjoll.
UEFA nuk është shumë e lumtur për situatën dhe sipas “Dario AS” , ata mund të pezullojnë klubet spanjolle nga garat Europiane nëse konfirmohet se kjo ndërhyrje politike nga qeveria spanjolle bie ndesh me statutet e saj. Ata bënë të njëjtën gjë me Rusinë dhe klubet e saj kur filloi lufta në Ukrainë.
Nëse kjo gjë ndodh, kjo do të thoshte se klubet e La Ligës nuk do të ishin në gjendje të konkurronin në Ligën e Kampionëve, Ligën e Europës apo Ligën e Konferencës.
Për më tepër, Spanja nuk do të ishte në gjendje të luante në Ligën e Kombeve të UEFA-s ose në Kampionatin Evropian.
