Një grabitje raportohet të ketë ndodhur gjatë natës në Drejtorinë e Ujësjellës-Kanalizimeve, në Kuçovë.
Persona të paidentifikuar kanë hyrë dhe kanë marrë rreth 2.2 milionë lekë nga arka e pagesave të ujit të pijshëm.
Mësohet se grabitësit, kanë hyrë nga njëra prej dritareve të kësaj drejtorie dhe pasi kanë shqyer kasën me levë kanë marrë paratë brenda saj.
Nuk dihet ende kush janë autorët, ndërkohë policia ka sekuestruar kamerat e sigurisë, dhe ka nisur hetimet për identifikimin e tyre si dhe për zbardhjen e plotë të ngjarjes.
