Rreth 2 orë ka zgjatur protesta e shoqërisë civile e mbështetur nga deputetë të opozitës të cilët kanë kërkuar dorëheqjen e kryebashkiakut Erion Veliajt pas aferës “5D” ku 5 drejtorë të tij përfunduan në pranga pas akuzave të SPAK për vjedhjet e miliona eurove të taksapaguesve të Tiranës.
Disa orë përpara protestës, policia dhe forcat e ndërhyrjes së shpejtë kanë filluar grumbullimin dh dislokimin rreth bashkisë së Tiranës. Në ndihmë të masave për të mbrojtur godinën e bashkisë janë instaluar dhe rrethime metalike.
Protestuesit fillojnë mbledhjen e parë rreth orës 11 të paradites. Organizatorët e mbështetur nga qytetarët e shumtë grumbullohen përpara bashkisë për të nisur protestën dhe menjëherë nisin konfrontimet e para ndërsa bashkia lyhet me bojë të zezë.
Të gjithë organizatorët por edhe përfaqësues nga opozita dhe anëtarë të këshillit bashkiak mbajnë fjalën e tyre për të denoncuar me fakte të gjitha grabitjet që janë bërë nga drejtorët dhe kryebashkiaku i Tiranës, Erion Veliaj.
Policia nuk lejon futjen e këshilltarëve në ambientet e bashkisë, edhe pse kjo është një detyrim kushtetuese policia ka zgjedhur të zbatojë urdhrat partiak. Kundër këtij vendimi protestuesit kanë reaguar forcërisht duke carë gardhin metalik.
Në protestë policia kishte futur të infiltruar të cilët janë zbuluar nga pjesmarrësit por fatmirësisht ndaj tyre nuk ka pasur reagime te dhunshme por janë këshilluar që të rrinë larg dhe të ndalojnë të tilla provokime.
Protestuesit kanë vijuar vijuar protestën e tyre dhe kanë paralajmëruar protesta të fuqishme në ditët në vijim derisa kryebashkiaku të përfundojë në burg dhe të mbajë përgjegjësi për këtë skandal.
