Prokurori i Përgjithshëm Olsian Çela, në një komunikim për gazetarët, u pyet edhepër akuzat e ish-presidentit Ilir Meta në drejtim të SPAK.
Çela tha se KLP e ka dhënë tashmë përgjigjen dhe shtoi se bashkëpunimi me SPAK ka qenë shumë i mirë.
Dje, KLP dënoi gjuhën e përdorur nga ish-presidenti për SPAK. Cili është mendimi juaj për akuzat e ish-kreut të Shtetit ndaj Strukturës së Posaçme?
Olsion Çela: Po i përgjigjemi sot çështjeve më emergjente. Kemi performancë më të mirë të Prokurorive. Përgjigjen tashmë e ka dhënë KLP. Numri i të dënuarve është më i lartë dhe sistemi po funksionon. Bashkëpunimi ynë me SPAK ka qenë shumë i mirë, performanca që kemi arritur përmes bashkëpunimit ka qenë në nivele të kënaqshme.
Këshilli i Lartë i Prokurorisë, në reagimin e saj ditën e djeshme, tha se i ka ndjekur e shqetësuar ato deklarata dhe se dënon çdo gjuhë urrejtje, shprehje, veprim fyes dhe intimidues që synon të denigrojë në mënyrë të padrejtë figurën e prokurorëve apo të ushtrojë presion ndaj tyre.
LEXO EDHE:
“Më solli patronazhistë”/ Akuzat e rënda të Metës për Dumanin kërkojnë përgjigje
