Kryeministri i Greqisë, njëkohësisht kryetari i partisë Demokracia e Re, Kyriakos Mitsotakis ka shpallur lista e kandidatëve për eurodeputet në Parlamentin Europian, zgjedhje të cilat do të mbahen më 9 qershor.
Pjesë e listët prej 42 kandidatësh të partisë së Mitsotakis janë edhe kryebashkiaku i zgjedhur i Himarës, Fredi Beleri, i cili ndodhet në burg, si dhe shtangisti Pirro Dhima, i cili aktualisht mban poste të larta politike në Greqi. Të dy ata janë me origjinë nga Himara, por kanë deklaruar se ndihen grekë.
Fredi Beleri, në aktivitetin e partisë Demokracisa e Re, ku u shpall lista e kandidatëve është përfaqësuar nga vëllai i tij, Leonardo, ndërsa është duartrokitur nga të pranishmit në momentin e shpalljes së emrit, raportojnë mediat greke.
Pasi u shpall emri i tij si pjesë e listët, Fredi Beleri ka reaguar për gazetën greke Protothema.gr, ku ka falenderuar Kyriakos Mitsotakis për mbështetjen e pandarë që i ofroi gjatë gjithë këtyre muajve,
Beleri theksoi se “beteja që po bëj nuk është personale. Është një betejë për shtetin ligjor dhe demokracinë, rregullat e së cilës duhet të respektohen nga të gjithë”.
Gjithashtu, Beleri shton më tej se kjo është një betejë për vlerat që përfaqëson Perëndimi dhe Europa, dhe të cilat duhet të respektohen nga ata që duan t’i bashkohen familjes së madhe evropiane.
“Është një betejë për pjesën më të vuajtur dhe të padrejtë të helenizmit, minoritetin grek të Shqipërisë”.
Deklarata e Fredi Belerit për gazetën Protothema.gr
“Të dashur bashkatdhetarë të mi,
Sot kryeministri Kyriakos Mitsotakis më ofroi mundësinë për të kërkuar votën e popullit grek në zgjedhjet europiane të qershorit 2024. E falënderoj për këtë por mbi të gjitha e falënderoj për mbështetjen e pandarë që më ka ofruar gjatë gjithë këtyre muajve që kam. u burgos.
Beteja që po bëj nuk është personale. Është një betejë për shtetin ligjor dhe demokracinë, rregullat e së cilës duhet të respektohen nga të gjithë. Është një betejë për vlerat që përfaqëson Perëndimi dhe Europa dhe të cilat duhet të respektohen nga ata që duan t’i bashkohen familjes së madhe evropiane. Është një betejë për pjesën më të vuajtur dhe të padrejtë të helenizmit, minoritetin grek të Shqipërisë. Vëllezërit e mi që pas dekadash shtypjeje duan dhe kanë të drejtë të jetojnë të lirë dhe të qetë, pa frikë, në një vend që respekton të drejtat, nderin dhe pronën e tyre.
I bëj thirrje çdo burri dhe gruaje të mbështesë votën e Demokracisë së Re, të mbështesë kryeministrin që po ndërton me vendosmëri dhe metodë një Greqi të fortë dhe krenare, Kyriakos Mitsotakis”.
