Sulmi i natës së kaluar nga Irani drejt Izraelit kanë shtuar shqetësimet e të gjithëve.
Të frikësuar nga lufta kanë qenë këtë të diel edhe pushuesit e një plazhi të Heraklionit në Greqi kur panë një objekt ajror në rërë. Në panik, ata menduan se ishte një dron iranian ata njoftuan policinë.
Por në fakt ai rezultoi të ishte një objektiv ajror i përdorur nga poligonet e qitjes për të testuar sisteme e armëve dhe është hedhur në det.
Mediat greke raportuan se objekti ajror ishte joaktiv dhe i padëmshëm. Pas kësaj ngjarje janë njoftuar organet kompetente, ndërsa nga ekzaminimet e para vlerësohet se droni ka qenë në det prej disa kohësh, pasi në shumë pjesë të tij kishte shenja ndryshku.
Ky është një objekt i prodhuar nga një kompani me qendër në Britaninë e Madhe, me qëllim trajnimin e ekuipazheve të sistemeve kundërajrore.
