Lulzim Basha e quan përpjekje të hapur antiamerikane kërkesën e Gazment Bardhit për të rikthyer në grupin parlamentar demokrat, Sali Berishën.
Sipas Bashës, ka një bashkëpunim mes Edi Ramës dhe Sali Berishës, të cilët të dy së bashku kanë qëllim qëndrimin kundër SPAK dhe goditjeve ndaj korrupsionit.
“Ne nuk mund ta pranojmë. Sigurisht kërkesa mund të bëhen, por nga individë që s’janë anëtarë të PD nuk mund të administrohen si të tilla. Çdo kush që merr përsipër të administrojë një kërkesë të tillë po i kundërvihet haptazi ligjit, po i kundërvihet haptazi përpjekjes mbarëshqiptare por edhe me mbështetje amerikane, britanike për të shkulur kulturën e pandëshkueshmërisë dhe për të luftuar korrupsionin. Është minim i demokracisë. është një nga motivet që janë shpallur persona non grata, është sfidë e hapur e Uashingtonit, Londrës, Brukselit, Shqipërisë dhe shqiptarëve e natyrisht edhe PD-së“, tha Basha ndër të tjera.
