Avokati Ylli Manjani ka përdorur një batutë në “A Krasta show” për të treguar se Erion Veliaj nuk ka bërë asgjë në Tiranë përgjatë 3 mandateve që ka drejtuar Bashkinë.
Manjani tha se Erion Veliaj as kakën e Tiranës nuk ka mundur të mbledhë, nuk kanalizon dot as produktin trupor.
“Në një mandat 4-vjeçar krijon 1.2 mld euro dhe po të shumëzosh kohën që ka Erion Veliaj janë mbi 3 mld euro dhe ky s’ka bërë asgjë, ky nuk mbledh dot as kakën e Tiranës”, tha Manjani.
Në vijim ai tha se Edi Rama është më i mirë se Erion Veliaj, por qasja më e mirë është “kokat hëngshin”.
“Nëse debati shtrohet se kush është më i mirë mes të dyve, është një dritë qorre. Edi Rama ka fibër politik, mund të mos jesh dakort me të, por ka një hendek shumë të madh, mes këtyre që kanë model Lulzim Bashën ose Erion Veliajn, që janë njëri më mashtrues se tjetri, njëri më bosh se tjetri, njëri më gënjeshtar se tjetri”, tha Manjani.
