Po mbahet këtë të martë në Gjykatën e Apelit seanca për Arbër Paplekaj, i cili akuzohet për vrasjen e Pjerin Xhuvanit, më 21 prill 2023.
Të pandehur janë edhe dy ish-nëndrejtorët e Policisë së Elbasanit, Nikollaq Palla dhe Albert Nushi si dhe 6 efektive të Shqiponjave.
Gjykata kishte urdhëruar rindërtim të vendit të ngjarjes dhe riekspertim nga ekspertët të cilët mësohet se janë të tre të pranishëm në gjykatë. Ata kanë paraqitur aktekspertimin ditën e djeshme, po ashtu u është dhënë edhe palëve.
Avokati i Paplekajt ka thënë se ka qenë kohë e pamjaftueshme për ta studiuar dhe nuk ka konsultuar klientin. Ai tha se kërkonte më shumë kohë, doja ti bëja me dije gjykatës se klienti im s’ka kërkuar të lirohet me afate ligjore, i kërkoj gjykatës që po ashtu edhe të pezullojë afatet e paraburgimit, sepse ne nuk do ta shfrytëzojmë këtë dispozitë. Kërkojmë shtyrjen e seancës, i kam bërë edhe me shkrim pasi unë kërkoj qe të bëj një mbrojte efektive.
Prokurori ka thënë se është një material prej 40 faqesh dhe kërkesa e mbrojtes është e ligjshme sepse edhe mua me duhet kohë për ta studiuar, edhe pse më një shikim formal akti nuk ka shkeje procedurale.
