Kryeministri Edi Rama, gjatë mbledhjes së Komisionit për Europën të Organizatës Botërore të Turizmit, e pranoi hapur se Shqipëria ka bërë gabime, por theksoi se duhet të nxjerrë mësime.
Teksa tenton të shfajësohet për paaftësinë e qeverisë së tij, Rama arsyetohet se vendi ynë është tek “dolce vita”, për shkak se ndodhet mes italianëve dhe grekëve duke shtuar se “të jesh mes tyre do të thotë të jesh tek jeta e shkujdesur ndaj bën edhe gabime”.
“Nuk duam të humbasim vendin tonë ndërkohë që ndërtojmë një destinacion të rëndësishëm turistik. Ne i dimë gabimet që janë bërë në vende të tjera.
Nuk duhet të bëjmë të njëjtat gabime, por të nxjerrim mësime. Ne tashmë i kemi bërë disa gabime tonat, të mos harrojmë që jetojmë mes grekëve dhe italianëve.
Të jesh mes tyre do të thotë të jesh tek dolce vita, tek jeta e shkujdesur dhe ti bën edhe gabim. Sepse nga njëra anë se ke kuptuar tërësisht bekimin e perëndisë që ka krijuar këtë vend të mrekullueshëm, por edhe historia ka qenë bujare. Ne kemi vende të mahnitshme historike. Por megjithatë, ne nuk jemi Zvicër, dhe ndoshta është më mirë, por duhet të kemi të njëjtën mënyrë të kuptuari siç kanë ata, për të mos prishur bukuritë e vendit, por t’ia lëmë brezave të ardhshëm më të mirë.“- tha Rama.
