Aktorja Margarita Xhepa, feston sot 90-vjetorin e lindjes. Një urim me këtë rast i ka ardhur edhe nga kryebashkiaku Erion Veliaj.
Po të ishim në kushte normale dhe Bashkia Tiranë të mos ishte një gropë e zezë korrupsioni e shpërdorimi detyre, ky urim do të ishte një gjë krejt normale.
E vërteta është në fakt se kryebashkiaku i Tiranës ka kyçur gojën për drejtorët e tij që pasi zhvatën mbi 20 milionë euro nëpër tendera tashmë janë të arrestuar. Ai s’ka asnjë koment për këta.
Njësoj si shefi i tij Edi Rama edhe Erion Veliaj ka zgjedhur të mbrohet në heshtje të turpshme e sipas parimit të kryeministrit se ai s’ka dijeni për ata që hanë dardhë e mollë prapa krahëve të tij.
“Urime nga zemra ditëlindjen Margarita Xhepa, artiste e madhe dhe ikonë e artit shqiptar!”, shkruan Veliaj.
Kryebashkiaku i zhytur në korrupsion e i kapur me “preshë në duar” me kupolën e tij tenton të sfumojë aferat dhe të largojë përgjegjësinë nga vetja. Çfarëdo që të bëjë, Erion Veliaj nuk i ikën dot më kurrë damkës si hajdut me çizme nëse nuk jep llogari përpara drejtësisë.
