Deputeti demokrat, Tritan Shehu është shprehur se në Shqipëri nuk mund të ketë normalitet kur varfëria, represioni janë ulur këmbëkryq.
Në një takim me strukturat dhe simpatizantët e PD në qarkun e Gjirokastrës, ai tha se ‘regjimet nuk pyesin për votën e lirë, sepse nuk e lejojnë votën e lirë’.
Më tej Shehu u shpreh se kreu i opozitës dhe PD, Sali Berisha është një i burgosur politik nga regjimi i kryesuar nga Edi Rama.
“Dikush mund të ketë folur këto ditë për normalizim. Çfarë normalizimi mund të bëhet fjalë kur trysnia po vjen duke u shtuar.
Jemi në një anormalitet të thellë dhe nuk mund të ketë normalitet në atë parlament për aq kohë sa karrigia e Sali Berishës është bosh.
Rama flet për normalitet dhe marrëveshje. Janë propagandë për të fshehur shkeljen e demokracisë dhe të instalimit të regjimit në Shqipëri. Nuk i them këto për të patur frikë, sepse ju nuk keni frikë.
Duhet të mobilizohemi për tu përballur me regjimet. Regjimet nuk pyesin për votën e lirë, sepse nuk e lejojnë votën e lirë. Ne duhet të përgatitemi për lëvizje të mëdha politike, të ngremë zërin kudo. Të ngremë zërin për burgosjen politike të Sali Berishës”, tha Tritan Shehu.
