Shumë qytetarë vijojnë të ndajnë historitë e tyre ku shprehin pakënaqësinë me operatorin telefonik One Albania. Një vajzë që dhjetë vite më parë ka firmosur në mënyrë që një tjetër person të merrte një numër celulari me kontratë dhe një telefon fiks.
Personi që ka pasur në përdorim numrin, ka shlyer të gjitha detyrimet kundrejt kompanisë dikur AMC, Telecom dhe sot ONE, por nuk ka bërë një rinovim kontrate.
“Është një çështje që ka lidhje me një numër të vjetër telefonik, dikur AMC, pastaj Albtelecon, sot ONE, për një apparat telefoni fiks dhë një numri në përdorim, i cili është marrë në 2013-n. Faktikisht, ky numër është marrë nën emrin tim, por është përdorur nga persona të tjerë. Dhe pas 10 viteve që është marrë ky numër, mua më kontakton një zyrë ligjore D&A Fin Partners që mëthonë që ti rezulton debitore. Më dërgojnë dhe të gjitha të dhënat. Është e vërtetë që unë kam firmosur për atë numër dhe për atë aparatin telefonik, por nuk e kam përdorur unë.”
Bazuar në të gjitha dokumentet, personi që ka pasur në përdorim numrin, ka shlyer të gjitha detyrimet kundrejt kompanisë dikur AMC, Telecom dhe sot ONE, por nuk ka bërë një rinovim kontrate. Megjithatë, dhjetë vite pas lidhjes së kësaj kontrate, qytetarja merr një shkresë nga studioja ligjore “D&A Fin Partners”, për penalitet.
PYETJE: Aktualisht, sa i detyrohesh kompanisë ONE, sipas tyre?
Denoncuesja: Pa penalitetet që ata pretendojnë, një vlerë afërsisht 400 mijë lekë të vjetra. Por, sigurisht që nëse çështja do të shkojë në gjykatë, supozohet që do të shtohen shpenzimet.
Në shkresë thuhet se qytetarja në fjalë është debitore dhe duhet të paguajë vlerën prej 37 mijë e 629 lekësh të reja.
Pas marrjes së kësaj shkrese, qytetarja në fjalë interesohet tek personi që kishte pasur numrin në përdorim dhe del në përfundim se nuk kishte asnjë debi.
“Nuk më japin një mundësi që unë të kuptoj pra për çfarë bëhet fjalë sepse kjo kontrata nuk është mbyllur para kohe siç pretendohet nga ana e kompanisë sepse personi që e ka patur numrin në përdorim, i ka shlyer në mënyrë të rregullt faturat, deri në përfundim të asaj kontratës.”
Atëherë, nga u akumulua kjo vlerë?
Zyra “D&A Fin Partners” përmes një punonjëseje që preferon të identifikohet thjesht si Ledia e kontakton në WhatsApp zonjën dhe i kërkon detyrimin. E pyetur nëse duhej të vijonte me pagesën në numrat e llogarisë që i janë dhënë në shkresë, “Ledia” thotë se tashmë dosja e denoncueses ka kaluar në një tjetër department dhe nuk di të japë një përgjigje.
Por nëse qytetarja do ta kishte paguar në ato numra llogarie, ku do të shkonin oaratë? A do t’i quhej?
Përtej pikëpyetjeve të shumta që ngrihen, zyra “D&A Fin Partners” e kërcënon me gjyq qytetaren, nëse nuk bëhet mbyllja e dosjes.
Por më çfarë argumenti?
Ajo nuk është kontaktuar për 10 vite rresht dhe siç deklaron edhe vetë, nuk ka ndërruar adresë. Ku ishte ONE gjatë gjithë kësaj kohe? Po zyra “D&A Fin Partners”?
“Gjatë 10 viteve më duket e pamundur që unë nuk jam kontaktuar asnjëherë. Ndërkohë që s’kam ndryshuar banesë. Të jemi realiste, 10 vite janë shumë. Unë atëherë kam qenë pas adoleshence dhe sot jam shumë më e madhe, kam krijuar jetën time dhe është një gjë që vjen komplet papritur. Por, gjëja që ata më kanë thënë ka qenë që do t’i drejtohemi gjykatës, pas njoftimit të fundit që më kanë dërguar në vendin e punës.”/ZËRI
