Sami Shuli është autori i dyshuar i plagosjes që ndodhi këtë mëngjes në Pogradec. 23-vjeçari qëlloi me thikë vëllanë, pas një konflikti.
Autori njihet si përdorues i alkoolit dhe në momentin e plagosjes ka qenë në gjendje të dehur.
I plagosuri i cili ndodhet në spitalin e Pogradecit jashtë rrezikut për jetën ka marrë një plagë të lehtë në krahun e majtë dhe pas mjekimit do të largohet drejt banesës së tij.
Ndërkohë autori Sami Shuli ndodhet në ambientet e komisariatit të Pogradecit për veprime të tjera procedurale.
“Më datë 25.03.2024, rreth orës 08:30, në lagjen nr. 4, Pogradec, në banesë, gjatë një konflikti, shtetasi S. Sh., 23 vjeç, dyshohet se ka dëmtuar me mjet prerës (thikë) vëllain e tij 25 vjeç, i cili u dërgua për mjekim në spital.
Shtetasi S. Sh., aktualisht ndodhet i shoqëruar në ambientet e Komisariatit, për veprime të mëtejshme procedurale.”- njoftoi policia.
