Një 60-vjeccar ka mbetur i plagosur rëndë si pasojë e një aksidenti rrugor të ndodhur në aksin rrugor “Laç-Patok”. 60-vjeccari ishte duke pedaluar biçikletën kur është përplasur nga një automjet, që drejtohej nga një femër.
Për shkak të gjendjes së rënduar shëndetësore, i lënduari është transportuar për në spitalin e Traumës në Tiranës
“Rreth orës 12:50, në aksin rrugor ‘Laç-Patok’, automjeti me drejtuese shtetasen E.Ll., ka përplasur biçikletën me të cilën lëvizte shtetasi D.D., rreth 60 vjeç, banues në Fushë Kuqe. Ky shtetas po transportohet në Spitalin e Traumës, për të marrë ndihmë mjekësore. Grupi hetimor po kryen veprimet për sqarimin e rrethanave të aksidentit”, njoftoi policia.
