Erzeni dhe Laçi sfidojnë njëra tjetrën në “Egnatia Arena”, takim që do të startojë në orën 14:00.
Një duel direkt për mbijetesën mund të konsiderohet mes dy ekipeve, ku 4 pikë i ndajnë në klasifikim.
Kurbinasit ndodhen në vendin e 7-të me 30 pikë, ndërsa shijakasit janë të 9-tët në klasifikim me 26 pikë.
Skuadra e Armando Cungut do të kërkojë vetëm fitoren për të ‘shkelmuar’ krizën, ku kanë 7 ndeshje pa fituar, ndërsa ‘djemtë’ e Alfred Deliallisit kërkojnë pikët për t’iu larguar fundit të klasifikimit.
Cungu dhe Deliallisi kanë shuar të gjitha dilemat. Të dy timonierët kanë vendosur për formacionin titullarë dhe për lojtarët me të cilët do të zbresin në fushën e lojës.
Formacionet zyrtare:
Erzeni: Hasanbelli, Maliqi, Kahrimanoviç, Asani, Sadiki, Alba, Migone, Marzuk, Osmanllari, Mihana, Atanda. Trajner: Alfred Deliallisi
Laçi: Dajsinani, Xhunior, Kurti, Sobouejll, Manellari, Prodani, Melo, Barjamaj, Ujka, Myrta, Dajko. Trajner: Armand Cungu
