Një “betejë” e vërtetë mes Atleticos së Madrid dhe Interit, me këtë “panoramë” u mbyll përballja e fundit e fazës së 1/16-ve, të Champions League.
Spanjollët arritën kualifikimin e madh pas goditjeve të 11-metërshave duke iu bashkuar kështu, shtatë skuadrave të tjera, në fazën e çerekfinaleve të këtij kompeticioni.
Djemtë e teknikut, Diego Simeone e nisën me tepër vrull këtë sfidë dhe në momentin e tyre më të mirë, Inter arritën të gjenin avantazhin, në arenën e Madridit, falë një kombinimi perfekt, Barella-Dimarco, me anësorin që dërgoi topin në rrjetë në mintuën e 33’-të, mirëpo epërsia nuk zgjati shumë dhe vetëm 2 minuta më vonë Antoine Griezmann tund rrjetën e Sommer, duke e mbyllur pjesën e parë me rezultatin e paqtë.
Me fillimin e fraksionit të dytë të lojës, “Los Colchoneros” e Atletico Madrid sulmuan gjatë gjithë kohës kuadratin e mbrojtjur nga Sommer, mirëpo goli do të vinte vetëm në minutat e fundit, me Memphis Depay, që dërgon topin në rrjetë, për të çuar rezultatin në 2-1, e për ta çuar sfidën fillimisht në kohën shtesë e më tej në goditjet e 11-metërshave.
Për Interin gabuan tre futbollistë, Sanchez, Klassen dhe Lautaro, ndërsa Atleticos i mjaftuan vetëm katër penallti të ekzekutuara, pasi gaboi vetëm Saul.
