Një aksident ka ndodhur mbrëmjen e kësaj të premte në aksin rrugor Shkodër-Kryebushat.
Dy automjete janë përplasur me njëra-tjetrën në rrethana ende të paqarta e si pasojë ka mbetur i plagosur shoferi i njërit prej mjeteve.
Policia sqaron se ky i fundit është transportuar në spital dhe ndodhet jashtë rrezikut për jetën.
“Rreth orës 22:05, në aksin rrugor Shkodër-Kryebushat, automjeti me drejtues shtetasin E. D., 37 vjeç, është përplasur me motomjetin me drejtues shtetasin V. K., 58 vjeç.
Si pasojë është dëmtuar lehtë 58-vjeçari, i cili është në spitalin rajonal të Shkodrës, jashtë rrezikut për jetën”,- thuhet në njoftimin e Policisë.
Sakaq grupi hetimor ndodhet në vendngjarje dhe po punon për sqarimin e rrethanave të aksidentit.
