Deputetja e PD-së, Albana Vokshi ka deklaruar se nuk është në dijeni të negociatave të kryetares së Kuvendit, Lindita Nikollës me krerët e grupeve parlamentare, Gazmetn Bardhit dhe Bledi Çuçit, ku është raportuar se mazhoranca është e gatshme t’i lejojë opozitës ngritjen e dy komisioneve hetimore, por me ligjin e miratuar së fundmi në mënyrë të njëanshme nga opozita.
Në një intervistë për Ora News, Vokshi tha se këtë vendim duhet ta marrë grupi parlamentar i PD-së, teksa sipas saj, ligji i miratuar nga mazhoranca për komisionet hetimore, nuk e lejon një hetim të detajuar.
“Nuk jam në dijeni të bisedave të zonjës Nikolla me kryetarët e grupeve parlamentare. Mund të them se kemi diskutuar shumë gjatë në grupin tonë dhe do të jetë një veprim që do ta marrë grupi nëse do të pranojmë ngritjen e komisioneve parlamentare me këtë ligj të ndryshuar dhe anti kushtetues, të cilin e kemi ankimuar, apo do të vijojmë me protestat tona.
Edhe nëse ngrihen komisionet ligji nuk e lejon që opozita të bëjë një hetim të detajuar për 8 komisioneve hetimore dhe prandaj ky do të mbetet një vendim i grupit parlamentar të Partisë Demokratike.” – tha Vokshi.
