Kryetarja e Komisionin e Organizimit dhe Kontrollit të Operacioneve Elektorale (KOKOE) Albana Vokshi ka bërë me dije se deri në orën 11:00, kanë votuar 11 906 anëtarë të Partisë Demokratike për rikonfirmimin ose jo të Sali Berishës në krye të partisë.
“Deri në orën 11, në bazë të informacioneve që kemi marrë nga degët, nga komisionet e votimit nga degët, kanë votuar 11.906 votues. Kjo është e dhëna që kemi marrë tani. “, tha ajo.
Sipas Vokshit, procesi vijon i qetë dhe se pjesëmarrja ka qenë e lartë. Ajo u pyet nga gazetarët edhe për numrin total të anëtarësisë me të drejtë vote, që deri më tani, selia blu s’e kishte bërë publike.
“Deri në orën 11 kanë votuar 11906 votues. Sot janë thirrur për të votuar 51.737 anëtarë të PD. Atëherë, kjo është dalja e parë e KOKOE-s, për të, duke qenë transparentë, po ju informojmë për të dhënat e para që kemi marrë nga 77 degë të Partisë Demokratike. Janë 87 qendra votimi të hapura në orën 8. Votimi do të vazhdojë deri në orën 18. Procesi ka nisur dhe po vijon i qetë, pa asnjë problem, dhe me pjesëmarrje të lartë.
Deri në orën 11, në bazë të informacioneve që kemi marrë nga degët, nga komisionet e votimit nga degët, kanë votuar 11.906 votues. Kjo është e dhëna që kemi marrë tani. Të dhënën tjetër për numrin e votuesve do ta japim çdo dy orë ose çdo tre orë deri në orën 18. Dhe në orën 18 më pas do bëjmë mbylljen e të gjithë numërimit dhe pastaj votimin në të gjitha degët.”– tha Vokshi.
